عبدالله مرزا: ڪلهوڙن جي دور جو هي نامور طبيب ۽ علم نجوم جو ماهر مرزا عبدالله دراصل ايراني هو. زندگيءَ جو وڏو عرصو سورت ۾ بسر ڪيائين. 1181هه/ 1766ع ۾ ڪلهوڙا حڪمران گهراڻي کيس پنهنجي درٻار ۾ گهرائي وڏو مقام ۽ عزت ڏني. مير علي شير قانع ٺٽوي ڄاڻائي ٿو ته، “مرزا عبدالله ‘جامع العلوم’ (علمن جو مجموعو) هو. طبابت ۾ کيس خاص مهارت حاصل هئي. انهي ڪري ڪلهوڙي حڪمران کيس پنهنجي درٻار ۾ گهرائي پاڻ وٽ رکيو. علم نجوم ۾ به ڪافي دسترس هيس. هي پنهنجي دور جو ‘مستجع الڪمالات’ هو.